TAITH GŴYL DEWI 2027 YN YR ALBAN – ST ANDREWS A GLASGOW

Bwncath yw un o fandiau mwyaf poblogaidd a phrysuraf Cymru. Sefydlwyd y band yn 2014, a dros y blynyddoedd maen nhw wedi ennill eu lle ym myd cerddoriaeth Cymru gyda’u perfformiadau byw a’u caneuon. Mae eu deunydd wedi cael ei ddisgrifio fel cerddoriaeth sy’n cyfuno tonau meddal gwerinol gyda sain pop modern, a chânt eu hystyried fel un o’r bandiau mwyaf arloesol yng Nghymru.

Yn 2017, rhyddhaodd Bwncath eu halbwm cyntaf, ac yn 2020, dilynwyd hynny gan Bwncath II. Cynhyrchydd y band yw Robin Llwyd, sydd hefyd yn chwarae'r gitâr flaen. Uchafbwynt y band hyd yma yw eu perfformiad yn yr Eisteddfod Genedlaethol ym Moduan yn 2023, ble torrwyd y record ar gyfer y gynulleidfa fwyaf erioed mewn gig cerddoriaeth Gymraeg.

Prif leisydd a chyfansoddwr y band yw Elidyr Glyn, sydd wedi gwneud enw i’w hun fel un o enillwyr Cân i Gymru 2019 gyda’i gân "Fel Hyn da ni Fod". Roedd hefyd yn enillydd yng nghystadleuaeth Tlws Alun ‘Sbardun’ Huws yn 2016 gyda’r gân "Curiad y Dydd". Ers hynny, mae Bwncath wedi perfformio mewn lleoliadau ar draws Cymru, gan ddenu cynulleidfaoedd o bob oedran.

Rhyddhawyd eu trydydd albwm yn 2025, gan ychwanegu mwy o ganeuon newydd at y casgliad. Mae’r band yn parhau i ymgysylltu â’u cynulleidfa drwy berfformiadau byw a chelfyddyd gerddorol sy’n cyfuno traddodiad a chreadigrwydd modern.

Mae Tant yn fand gwerin/pop Cymreig o Ogledd Cymru. Mae’r band yn cynnwys 5 aelod, sef Angharad, Siwan, Elliw, Non a Gruff. Mae pob aelod o’r band yn dod a rhywbeth creadigol ac unigryw i’r gerddoriaeth. Angharad ar y Delyn, Elliw ar y Gitâr a Llais, Non ar allweddell a llais, Siwan - llais, a Gruff fel aelod diweddar ar y drymiau/kajon.

Dechreuodd y merched berfformio fel grŵp yn 2016 ar gwrs cerddoriaeth Gwerin Gwallgo yng Nglanllyn, ers hynny maen nhw wedi perfformio niferoedd o weithiau ac wedi cael eu henwebu i wobrau Gwerin Cymru yng Nghaerdydd ac y BBC radio 2 Young folk award. Mae Tant wedi bod yn perfformio yn Sesiwn Fawr Dolgellau, ac yn yr Eisteddfod Genedlaethol sawl blwyddyn yn olynol. Gwelwyd Tant hefyd ar y rhaglen deledu ‘Noson Lawen’ yn perfformio caneuon eu hunain ‘I Ni’ ac maen nhw wedi cystadlu ar Cân i Gymru yn 2023 gyda’r gân ‘Cysgu’ gan Alun Tan Lan.

Hyd yn hyn, mae gan Tant 3 cân wedi’i rhyddhau gyda Recordiau Sain, ‘Bywyd Rhy Fyr’, a ysgrifennwyd gan Modlen Alun, ac ‘I Ni’ a ‘Byth Eto’ ysgrifennwyd gan Rhun ap Iorwerth, tad i Siwan. Mae’r ddwy gân yn blethiad o gerddoriaeth draddodiadol a modern Cymreig.

Mae Gwesty a Sba Buchanan Arms yn Drymen yn lety trawiadol sy’n cyfuno cyfforddusrwydd traddodiadol â chyfleusterau modern.

Wedi’i leoli yng nghanol pentref prydferth Drymen, mae’r gwesty’n cynnig ystafelloedd eang a chynnes, ynghyd â chyfleusterau hamdden rhagorol gan gynnwys canolfan sba, pwll nofio dan do a chanolfan ffitrwydd.

Mae’r awyrgylch gyfeillgar a’r gwasanaeth gofalus yn creu profiad ymlaciol i westeion, tra bo’r bwyty ar y safle’n gweini prydau blasus wedi’u paratoi â chynhwysion lleol. Gyda’i leoliad delfrydol ar gyrion Parc Cenedlaethol Loch Lomond, mae’n fan perffaith i ymlacio neu archwilio’r ardal o’i gwmpas.