Diwrnod 1 (Dydd Gwener): Teithio i Lerpwl a chael taith o amgylch y ddinas gyda Gari. Bydd y daith yn rhannu’n ddau brif ran ac mewn sawl ffordd yn wahanol I’r teithiau a gynhaliwyd o’r blaen.
Byddwn yn canolbwyntio ar hanes unigolion a lleoliadau gwahanol gan drafod rhai o’r Cymry hynny fu mor ddylanwadol yn y ddinas rhwng 1770 a 1950.
Byddwn yn defnyddio’r bws gan stopio yma ac acw ger safleodd pwysig megis lleoliad Capeli, strydoedd Sioraidd, mynwentydd (Smithdown Road ac Anfield), ac yn crynhoi gorchestion y Cymry o safbwynt busnesau, adeiladau, y porthladd, y capeli anghydffurfiol a’r wasg argraffu cymreig.
Byddwn yn trafod gwaith Alfred Lewis Jones y llongwr, Owen Elias a David Hughes a William Klondyke Jones, yr adeiladwyr strydoedd.
Cawn ymweld a beddau deg o’r cymeriadau amlycaf yn y stori ac asesu effaith hanner cant o gapeli yn nhwf y ddinas drwy’r cyfnod Fictorianaidd. Cewch werthfawrogi a rhyfeddu at bennod o hanes Cymru na chafodd ei gwir werthfawrogi gan ein haneswyr a’r cyfryngau, cawn drafod hanes nifer o unigolion mentrus a chyd ganu un neu ddwy o gyfansoddiadau y llenorion cymreig amlwg a fagwyd yn Lerpwl.
Byddwn hefyd yn ymweld a’r safleoedd ble cynhaliwyd tair Eisteddfod Genedlaethol Lerpwl rhwng 1884 a 1929, a chael golwg ar gadeiriau y beirdd buddugol yng nghyntedd Neuadd y Dref.
Hyn a llawer mwy, bydd y daith yn wledd o hanes a byddwch yn falch eich bod wedi dod!
**Mae’r daith yma yn golygu cryn dipyn o gerdded, felly mae gofyn i bob unigolyn fod gallu gwneud hyn yn ddi drafferth.
Diwrnod 2 (Dydd Sadwrn): Brecwast yn y gwesty, yna bydd y bws yn eich cludo i ganol dinas Lerpwl. Mwynhewch diwrnod rhydd yng nghanol y ddinas i grwydro heb frys. Mae strydoedd bywiog y ddinas yn llawn siopau annibynnol, caffis clyd a cherddoriaeth fyw sy’n ymddangos o bob cornel. Gellir cerdded ar hyd Pier Head i fwynhau golygfeydd o’r Mersey, neu dreulio amser yn yr Albert Dock yn edrych ar yr amgueddfeydd.
Byddwn yn dychwelyd i’r gwesty yn ystod y prynhawn ar gyfer swper cynnar cyn y daith bws i Eglwys Gadeiriol Lerpwl ar gyfer Cyngerdd Ganol Haf Cymdeithas Corau Meibion Cymru. Bydd hyn yn rhoi digon o amser i bawb ymlacio, mwynhau’r bwyd ac adnewyddu cyn i ni gychwyn ar y siwrnai fer i’r safle trawiadol hwn ar gyfer y cyngerdd.
Mae’r cyngerdd yn cyfuno emynau, caneuon poblogaidd Cymreig a threfniadau corawl newydd, gan greu awyrgylch sy’n llawn balchder diwylliannol ac emosiwn. Wrth i’r sain lenwi’r gofod enfawr o dan y nenfwd gothig, mae’r gynulleidfa’n profi cymysgedd unigryw o rym, tynerwch a chydwead artistig sy’n adlewyrchu hanfod corau meibion Cymru.
Bydd y bws yn eich cludo yn ôl i’r gwesty ar ddiwedd y perfformiad.
Diwrnod 3 (Dydd Sul): Bydd gennych ddiwrnod rhydd arall yn Lerpwl i siopa neu ymweld â’r prif atyniadau. I’r rhai sy’n dymuno, mae croeso i chi ymuno â’r oedfa fore yn Nghapel Bethel ar Heol Heathfield. Byddwn yn dychwelyd adref i Ogledd Cymru yn ystod y prynhawn.